У народзе кажуць: «Дарагая тая хатка, дзе нарадзіла мяне матка». Сапраўды, дзе маці нарадзіла, там і Радзіма. Прыгожую назву мае наша Радзіма, светлае ў яе імя — Беларусь. І кім бы вы не сталі ў жыцці, дзе б нібылі – вы заўсёды будзеце памятаць сваю бацькаўшчыну, свой дом, сваіх першых сяброў, свой дзіцячы садок.
    Традыцыйна, кожную восень у нашым садзе праходзяць беларускія святы: святы родных песень, гульняў, нашай роднай беларускай зямлi.
    3 кастрычніка да хлопцаў і дзяўчат са старэйшых груп № 2 i 13 у госці прыйшлі Несцерка і Бусел, якія размаўлялі і праслаўлялі нашу родную мову, такую сакавітую, лагодную і прагожую. Свята скончылася пачастункамі - беларускiм караваем, фотасесіей з бацькамі і выдатным настроем!